Zerendi aýdanynda egis dala jumysy barysynda  (Qazaqstan aýylyna jaqyn ornalasqan Ýálı han mazarynan soltústik-batysqa qaraı 10 shaqyrym jerde) «Azıaagrohım» JSHS-niń dırektory B.B. Kozlov jyrtylǵan jerde boljam boıynsha eski jerleý orny bolyp keletin arabsha jazylǵan granıt túrindegi eki taqta tasyn tapqan, dep habarlaıdy İshki saıasat basqarmasy.

2018 jyldyń 21 mamyrynda osy jerleý oryndy anyqtaý maqsatynda Aqmola oblysy mádenıet basqarmasynyń «Tarıhı-mádenı murany qorǵaý jáne paıdalaný ortalyǵy» MKM-niń ınspektorlary, «Zerendi aýdanynyń tilderdi damytý jáne mádenıet bóliminiń» jáne «Aqkól aýyldyq okrýgi ákimi apparaty» MM-niń mamandary men jergilikti ólketanýshylardan quralǵan quram atalmysh obektige bardy. Eki jerleý ornynan basqa, sol jerden taǵy 30 shaqty belgisiz musylman zıraty anyqtaldy. 

Atalmysh tarıhı oryndy kásibı deńgeıde anyqtaý maqsatynda Qazaqstan Respýblıkasy Bilim jáne ǵylym mınıstrliginiń R.B. Súleımenov atyndaǵy shyǵystaný ınstıtýtynan (Almaty q.) arnaıy mamandy shaqyrdy.

Arabsha jazýdy oqý barysynda, jerleý oryn XVIII ǵasyrdyń basy –XIX ǵasyrdyń sońynda jazylyp, tastyń bireýi – qajyniki, al ekinshisi – Abylaı hannyń qasynda júrgen nókeriniki dep boljandy.